Dhule District Boxing Association

Posts

मुख्यमंत्री श्री. देवेंद्र फडणवीस यांच्या उपस्थितीत महाराष्ट्र बॉक्सिंग असोसिएशनच्या विजयी पॅनेलचा भव्य सत्कार

November 14, 2025

महाराष्ट्र राज्य बॉक्सिंग असोसिएशनच्या नुकत्याच पार पडलेल्या निवडणुकीत मा. प्रवीण दरेकर साहेब आणि मा. जय कवळी यांच्या नेतृत्वाखालील पॅनेलने सर्व २७ जागांवर विजयी होत ऐतिहासिक कामगिरी केली. संपूर्ण पॅनेलचा हा एकमताचा विजय महाराष्ट्रातील बॉक्सिंग क्रीडा क्षेत्रातील विश्वास, संघटित बळ आणि पारदर्शकतेचे द्योतक ठरला आहे. या दणदणीत विजयानंतर विजयी उमेदवारांनी वर्षा निवासस्थानी राज्याचे मुख्यमंत्री श्री. देवेंद्र फडणवीस जी यांची भेट घेतली. यावेळी मुख्यमंत्री महोदयांनी महाराष्ट्र बॉक्सिंग असोसिएशनच्या सर्व नव्या पदाधिकाऱ्यांचा भव्य सत्कार करून विशेष शुभेच्छा दिल्या. महाराष्ट्रातील क्रीडा विकासासाठी नव्याने निवडून आलेले पदाधिकारी अधिक प्रभावी, पारदर्शक आणि खेळाडू-केंद्रित कार्य करतील, असा विश्वास मा. फडणवीस साहेबांनी व्यक्त केला.

महाराष्ट्र बॉक्सिंग संघटनेच्या अध्यक्षपदी आ.प्रविण दरेकर, उपाध्यक्षपदी डॉ. तुषार रंधे, तर मयुर बोरसे यांची विभागीय सचिव म्हणून निवड

November 09, 2025

मुंबई : महाराष्ट्र बॉक्सिंग संघटनेची निवडणूक आज मुंबईत उत्साहात संपन्न झाली. या निवडणुकीत आमदार प्रविण दरेकर हे महाराष्ट्र राज्य बॉक्सिंग संघटनेचे अध्यक्ष म्हणून निवडून आले असून त्यांना तब्बल ४३ मते मिळाली. तर धुळे जिल्हा बॉक्सिंग संघटनेचे अध्यक्ष तुषार रंधे यांनी महाराष्ट्र राज्य बॉक्सिंग संघटनेचे उपाध्यक्षपदावर ४३ मते मिळवत आपला विजय नेतृत्व सिद्ध केले. धुळे जिल्हा बॉक्सिंग संघटनेचे सचिव मयूर बोरसे हे विभागीय सचिवपदी बिनविरोध निवडून आले असून त्यांच्या निवडीबद्दल क्रीडा वर्तुळात समाधान आणि आनंदाचे वातावरण आहे. या निवडणुकीत प्रामाणिकपणा, कष्ट आणि संघटनेप्रती असलेली निष्ठा यांचे वर्चस्व दिसून आले. स्पर्धा चुरशीची असली तरी अखेरीस संघटनात्मक एकतेचा आणि स्वच्छ कारभाराचा विजय झाला. राज्यभरातून आ. जय कवळी यांच्या नेतृत्वावर विश्वास व्यक्त करण्यात आला असून महाराष्ट्रातील बॉक्सिंग खेळ नव्या उंचीवर नेण्याचा निर्धार सर्वांनी व्यक्त केला आहे. निवडून आलेल्या सर्व पदाधिकाऱ्यांचे क्रीडा क्षेत्रातून अभिनंदन आणि शुभेच्छांचा वर्षाव होत आहे.

SET परीक्षा उत्तीर्ण झाल्याबद्दल प्रा. भरत कोळी यांचा धुळे जिल्हा बॉक्सिंग संघटनेतर्फे सत्कार

September 15, 2025

आर.सी. पटेल कॉलेज ऑफ इंजिनियरिंग अँड पॉलिटेक्निक, शिरपूर येथील क्रीडासंचालक प्रा. भरत कोळी यांनी शारीरिक शिक्षण विषयातील SET परीक्षा यशस्वीरीत्या उत्तीर्ण करून शैक्षणिक क्षेत्रात मोलाची भर टाकली आहे. या उल्लेखनीय यशाबद्दल धुळे जिल्हा बॉक्सिंग संघटनेतर्फे त्यांचा मोठ्या उत्साहात सत्कार करण्यात आला. प्रा. भरत कोळी हे उत्कृष्ट शारीरिक शिक्षण विषयाचे लेखक, बालभारती शारीरिक शिक्षण पाठ्यपुस्तक मंडळ पुणे सदस्य, राष्ट्रीय बॉक्सिंग खेळाडू, बॉक्सिंग प्रशिक्षक, तसेच राज्य बॉक्सिंग पंच म्हणून कार्यरत आहेत. क्रीडा क्षेत्रातील त्यांचे योगदान आणि विद्यार्थ्यांच्या सर्वांगीण विकासासाठी केलेले प्रयत्न कौतुकास्पद ठरले आहेत. शैक्षणिक व क्रीडा क्षेत्रातील दुहेरी प्रगतीमुळे प्रा. कोळी हे अनेकांसाठी प्रेरणास्थान ठरले आहेत. या सत्कार प्रसंगी धुळे जिल्हा बॉक्सिंग संघटनेचे खजिनदार जितेंद्र बोरसे, एम.आर. पटेल सीबीएसई स्कूलचे क्रीडा समन्वयक व बॉक्सिंग प्रशिक्षक धीरज पाटील, स्वतंत्र फायनान्सचे मॅनेजर व धुळे जिल्हा बॉक्सिंग संघटनेचे तांत्रिक अधिकारी ऋषिकेश अहिरे, कबड्डी प्रशिक्षक हेमंत शिरसाठ, के.व्ही.टी.आर. सीबीए...

किसान विद्या प्रसारक संस्थेचे विश्वस्त व शिरपूर नगरीचे नगरसेवक मा. रोहित बाबा रंधे यांच्या वाढदिवसानिमित्त आयोजित भव्य कबड्डी स्पर्धा व सुवर्ण विजेतीचा सत्कार सोहळा

August 06, 2025

किसान विद्या प्रसारक संस्थेचे विश्वस्त व शिरपूर नगरीचे नगरसेवक मा. रोहित बाबा रंधे यांच्या वाढदिवसानिमित्त आयोजित भव्य कबड्डी स्पर्धा व सुवर्ण विजेतीचा सत्कार सोहळा किसान विद्या प्रसारक संस्थेचे विश्वस्त व शिरपूर नगरपरिषदेचे नगरसेवक मा. रोहित बाबा रंधे यांच्या वाढदिवसानिमित्त आयोजित कबड्डी स्पर्धा व गौरव समारंभ या कार्यक्रमात राज्यस्तरीय बॉक्सिंग स्पर्धेतील सुवर्णपदक विजेती पंखुडी बंटी सारसर हिचा संस्थेचे अध्यक्ष मा. डॉ. तुषारजी रंधे व मा. रोहित बाबा रंधे यांच्या हस्ते विशेष सत्कार करण्यात आला. पंखुडीने नुकत्याच जळगाव येथे पार पडलेल्या राज्यस्तरीय बॉक्सिंग स्पर्धेत दमदार कामगिरी करत सुवर्णपदक पटकावले होते. तिच्या या यशामागे संस्थेचे क्रीडा शिक्षक व बॉक्सिंग प्रशिक्षक विजेंद्र जाधव सर,ओम राजपूत,महिला प्रशिक्षक पूनम उठवाल यांचे कुशल मार्गदर्शन लाभले. कार्यक्रमास संस्थेचे पदाधिकारी, क्रीडा विभागाचे प्रमुख, शिक्षकवृंद व खेळाडू मोठ्या संख्येने उपस्थित होते. पंखुडीच्या या यशाबद्दल उपस्थितांनी तिचे मनःपूर्वक अभिनंदन करून पुढील वाटचालीस शुभेच्छा दिल्या.

CBSE South Zone-II Boxing Championship 2025

August 03, 2025

🏆 CBSE South Zone-II Boxing Championship 2025 🥊 Hosted by MDN Future School, Lakhani, Bhandara We are proud to share the outstanding achievements of our students from *Mukesh R. Patel School* at the prestigious CBSE South Zone-II Boxing Competition 2025. U-17 Girls Category: 🥇 Jhalak Bhat – Gold Medal (42–44 kg) 🥇 Yashika Goyal – Gold Medal (70–75 kg) 🥉 Aarya Padvi – Bronze Medal (75–80 kg) 🥉 Devanshi Pahade – Bronze Medal (54–57 kg) U-19 Girls Category: 🥈 Samruddhi Chawan – Silver Medal (45–48 kg) U-19 Boys Category: 1. Sai Badhujar – Participant (48–50 kg) U-14 Boys Category: 1. Durgesh Patil – Participant (44–46 kg) *Three of our champions – Jhalak Bhat, Yashika Goyal, and Samruddhi Chawan – have qualified for the CBSE National Boxing Championship in Haryana.* Heartfelt congratulations to all the medal winners and participants! Your dedication, discipline, and fighting spirit make us immensely proud. 💐💐🥊🥊

'वाद राज्य संघटनेत,समिती जिल्ह्यात- सत्ता संघर्ष'

July 30, 2025

'वाद राज्य संघटनेत,समिती जिल्ह्यात- सत्ता संघर्ष' राज्यात एखादा खेळ वाढविण्यासाठी राज्य क्रीडा संघटनेची फार मोठी भूमिका किंवा जवाबदारी असते,त्यात खेळाबाबत ध्येय,धोरणे तयार करणे,नियम,अटी बनविणे,खेळाच्या विकासाठी जिल्ह्या-जिल्ह्यांमध्ये संबंधित जिल्हा क्रीडा संघटना स्थापन करून त्यांना खेळाचा प्रचार-प्रसारासाठी योग्य ते मार्गदर्शन करून वेळोवेळी संधी देत राहणे ही फार मोठी जवाबदारी राज्य क्रीडा संघटनेची असते,खरंतर जिल्ह्यातील संबंधित खेळामध्ये कार्यरत असलेल्या क्रीडाप्रेमींना व माजी खेळाडूंना हाताशी धरून जिल्ह्यात सदर खेळ कसा वाढेल तेथून आंतरराष्ट्रीय, राष्ट्रीय व राज्य पातळीवर पदक विजेते खेळाडू कसे तयार होतील असे हेरणारे कार्यकर्ते शोधून पाठबळ देण्याची गरज असते,खेळाचा योग्य प्रचार व प्रसारासाठी जिल्हा संघटना मैलाचा दगड असतो हे लक्षात घेऊन राज्य संघटना असावी,जिल्हा संघटनांची योग्य ती बांधणी करावी,योग्य लोकांना संधी द्यावी विशेष म्हणजे खेळ जास्तीत-जास्त राजकारणापासून दूर राहील ही काळजी घेणं अपेक्षित असतं,पण खेळाच्या विकासासाठी आश्रयदाते राजकारणी लागतातंच यात माझं दुमत नाह...